პირველად ამიერკავკასიის მასშტაბით, საქართველოში გერმანული პროფესიული განათლების სისტემის განხორციელება დაიწყო.  კოლეჯ „სპექტრმა“ და კომპანია „ევრომასტერმა“ განახორციელეს დუალური განათლების კურსი – ერთობლივი პროფესიული პროგრამით „წყალარინების სისტემების ექსპლოატაცია“.

„წყალარინების სისტემების ექსპლუატაციის“ სასწავლო პროგრამა გერმანიის საერთაშორისო თანამშრომლობის საზოგადოების (GIZ) ჩართულობით შემუშავდა. 

2023 წლის 28 თებერვალს კოლეჯ „სპექტრში“  პროგრამის –„წყალარინების სისტემების ექსპლუატაციის“ ახალი საწარმოს გახსნის ღონისძიება გაიმართა.

საწარმოს გახსნის ღონისძიების ფარგლებში გაფორმდა საჯარო და კერძო თანამშრომლობის (PPP) შესახებ სამმხრივი ხელშეკრულება საქართველოს განათლებისა და მეცნიერების სამინისტროს, კოლეჯ „სპექტრსა“ და კომპანია „ევრომასტერს“ შორის, რომელსაც ხელი მინისტრის მოადგილე ვალერიან გობრონიძემ, კოლეჯ „სპექტრის“ დირექტორმა მათე ტიკაძემ და კომპანია „ევრომასტერის“ დირექტორმა პაატა რუსაძემ მოაწერეს.

ღონისძიებაში მონაწილეობა ასევე მიიღო გერმანიის ფედერაციული რესპუბლიკის საგანგებო და სრულუფლებიანმა ელჩმა საქართველოში,  ერნსტ პეტერ ფიშერმა.

მხარეებს შორის თანამშრომლობის ფარგლებში, საქართველოს განათლებისა და მეცნიერების სამინისტროს სსიპ საგანმანათლებლო და სამეცნიერო ინფრასტრუქტურის განვითარების სააგენტომ განახორციელა სახელმწიფო საკუთრებაში და ამავდროულად კოლეჯის კანონიერ სარგებლობაში არსებული უძრავი ქონების რეაბილიტაცია, რომელიც 15 წლით სარგებლობაში უსასყიდლოდ გადაეცა შპს ,,ევრომასტერს“ „წყალარინების სისტემების ექსპლუატაციის“ ახალი საწარმოს კეთილმოსაწყობად. შენობის სრული აღჭურვისათვის კომპანია „ევრომასტერმა“  5 მილიონი ლარის ღირებულების ინვესტიცია განახორციელა.

 ამასთან, სამინისტრომ უზრუნველყო საცხოვრებელი კამპუსი პროფესიულ საგანმანათლებლო პროგრამებზე ჩარიცხული სტუდენტებისა და პროფესიული მომზადებისა და გადამზადების პროგრამებზე ჩარიცხული მსმენელებისთვის, მათი საჭიროების შესაბამისად.

“წყალარინების სისტემების ექსპლუატაციის” დუალური პროგრამის სტუდენტები პრაქტიკულ სწავლებას გადიან კომპანია ,,ევრომასტერი“-ს საწარმოში და  თანამედროვე აპარატურის მეშვეობით ეძლევა შესაძლებლობა ჩამოყალიბდნენ პროფეიონალებად შემდეგი მიმართულებებით:

• პოლიეთილენის მაღალი წნევის მილსადენების პირა-პირა და ელექტრო შედუღება;
• მილსადენების ტელედიაგნოსტიკა – ინსპექტირება;
• საკანალიზაციო მომსახურების სრული სერვისი, მექანიკური და წყლის ჭავლით რეცხვა, სპეც. ტექნიკით ამოტუმბვა;
• პოლითილენის მემბრანული და ექსტრუდიული შედუღება;
• არმირებული ბეტონის ბურღვა;
• გვირგვინის ალმასების შედუღება.

ჩვენს წარმატებულ კურსდამთავრებულებს შესაძლებლობა აქვთ გერმანიის ინფრასტრუქტურის კვლევის ინსტიტუტში (https://www.ikt.de ;  https://www.vdrk.de/de/jobboerse), გაიარონ 3/5 დღიანი სწავლების კურსი გაიარონ, მოიპოვონ სერთიფიკატი ევროპული სტანდარტის შესაბამისად ISO/IEC 17024 და გახდნენ აღიარებული ექსპერტები დარგობრივი მიმართლებით.